Ang Triple Cross na baboy ay isang uri ng kakataying baboy na bunga ng tatlong lahi - ang Landrace, ang Large White o Yorkshire, at ang Duroc. Ang Triple Cross ay subok na ng mga malalaki at matagal ng nag-aalaga ng baboy sa bansa dahil angkin nito ang mga pinaka-magagandang katangian ng isang kakataying baboy. Ang Triple Cross ay kadalasang puti at may malaking tainga. Ngunit may ibang 'triple cross' na kulay kape at kung minsan ay may batik na itim. Maganda ang pangagatawan nito at may malalaking pige at balikat.Bagama't maganda ang lahi nito, ito ay hindi dapat gawing palahian sapagkat hindi ito makapagbibigay ng biik na kasing-ganda ng magulang.